ការនាំមកនូវឱកាសការសិក្សាកាន់តែប្រសើរ៖ ការបរិច្ចាគទូរទស្សន៍ និងគ្រឿងសង្ហារឹមការិយាល័យដល់ សាលាបឋមសិក្សា តាព្រហ្មក្តុល

ភ្នំពេញ  •  ថ្ងៃទី 29 ខែមិថុនា ឆ្នាំ 2026

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ លោកស្រី Ann Lim ចំពោះការបរិច្ចាគដ៏សប្បុរសនូវទូរទស្សន៍ឆ្លាតវៃថ្មីមួយគ្រឿង ម៉ាក Samsung ទំហំ 55 អ៊ីញ ដល់ សាលាបឋមសិក្សា តាព្រហ្មក្តុល នៅ ថ្ងៃទី២៩ ខែមិថុនា ឆ្នាំ២០២៦ ដើម្បីគាំទ្រដល់ការប្តេជ្ញាចិត្តជាបន្តបន្ទាប់របស់ កម្មវិធីទំនួលខុសត្រូវសង្គមរបស់សម្បត្តិហ្វាយនែន ក្នុងការគាំទ្រដល់ការអប់រំ និងការអភិវឌ្ឍសហគមន៍។

ការបរិច្ចាគនេះមានគោលបំណងបង្កើនបរិយាកាសការសិក្សារបស់សិស្សានុសិស្ស និងលក្ខខណ្ឌការងារគ្រូបង្រៀន និងកិច្ចការងាររដ្ឋបាលរបស់សាលារៀន។ ទូរទស្សន៍នេះនឹងប្រើប្រាស់ជាឧបករណ៍ជំនួយការអប់រំ ដែលអនុញ្ញាតឱ្យគ្រូបង្រៀនផ្តល់មេរៀនកាន់តែទាក់ទាញ និងមេរៀនអន្តរកម្មតាមរយៈមាតិកាជាច្រើនប្រភេទ។ ទន្ទឹមនឹងនេះ គ្រឿងសង្ហារឹមការិយាល័យដែលប្រើប្រាស់រួចដែលបានបរិច្ចាគដោយ គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន នឹងផ្តល់នូវកន្លែងធ្វើការដែលមានផាសុខភាព និងមានរបៀបរៀបរយជាងមុន ដោយជួយដល់កិច្ចការរដ្ឋបាលពីមួយថ្ងៃទៅមួយថ្ងៃរបស់សាលារៀន។

ពិធីប្រគល់-ទទួលដ៏សាមញ្ញនេះមានការចូលរួមពី លោកស្រី Ann Lim លោក-លោកស្រីតំណាងពីសម្បត្តិហ្វាយនែន គណៈគ្រប់គ្រងសាលារៀន និងលោកគ្រូអ្នកគ្រូ។ ក្នុងអំឡុងពេលនៃកម្មពិធីនេះ សម្បត្តិហ្វាយនែន បានបញ្ជាក់ជាថ្មីនូវការប្តេជ្ញាចិត្តរបស់ខ្លួនក្នុងការចូលរួមចំណែកដល់ការអប់រំ និងបង្កើតផលវិជ្ជមាននៅក្នុងសហគមន៍ដែលខ្លួនធ្វើប្រតិបត្តិការ។

ការថ្លែងនៅក្នុងពិធីនោះ លោកស្រី Ann Lim បានមានប្រសាសន៍ថា៖

នាយកសាលា លោក គឹម សុផល បានសម្តែងការកោតសរសើរយ៉ាងស្មោះស្ម័គ្រចំពោះការបរិច្ចាគនេះ។

នៅ សម្បត្តិ ហ្វាយនែន យើងជឿជាក់ថាការវិនិយោគលើការអប់រំគឺជាការវិនិយោគនាពេលអនាគត។ តាមរយៈកម្មវិធីគំនិតផ្តួចផ្តើមទំនួលខុសត្រូវសង្គមរបស់យើង យើងនៅតែមានការប្តេជ្ញាចិត្តក្នុងការជួយគាំទ្រសាលារៀន ដឹកនាំសិស្សវ័យក្មេង និងធ្វើឱ្យសហគមន៍ដែលយើងជួយ កាន់តែរឹងមាំឡើង។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអ្នកទាំងអស់គ្នាដែលបានចូលរួមចំណែកធ្វើឱ្យមានកម្មវិធីគំនិតផ្តួចផ្តើមនេះទៅបាន ហើយយើងនឹងបន្តភាពជាដៃគូររបស់យើង ជាមួយសហគមន៍ក្នុងតំបន់តាមរយៈកម្មវិធីទំនួលខុសត្រូវសង្គម (CSR) ដែលមានអត្ថន័យ និងប្រកបដោយចីរភាព។