ព្រឹត្តិការណ៍ដែលមិនអាចបំភ្លេចបាន- កម្មវិធីទំនួលខុសត្រូវសង្គមរៀបចំដោយ សម្បត្តិ ហ្វាយនែន
Author
Posted On
21, ខែមិថុនា, 2022
គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី បានប្រាព្ធ “ទិវាភាពយន្ត” កាលពីថ្ងៃទី 12 ខែមិថុនា ឆ្នាំ2022 ដោយបានដឹកនាំក្មេងកំព្រា និងអ្នកមើលថែក្មេង សរុបចំនួន 65នាក់ មកពីមណ្ឌលកុមារកំព្រាដែលមានឈ្មោះថា “មជ្ឈមណ្ឌលមែកឈើ” ដែលអាសយដ្ឋាននៅភូមិ លិចវត្ត សង្កាត់កំបូល ខណ្ឌកំបូល រាជធានីភ្នំពេញ ដែលជាអង្គការមួយស្ថិតក្រោមការគ្រប់គ្រងរបស់អង្គការ “UNACAS” ។ អ្នកមើលថែក្មេង និងនិយោជិតរបស់ រោងភាពយន្ត លេជេន មានសេចក្តីអំណរអរគុណយ៉ាងខ្លាំងចំពោះក្រុមការងាររបស់ សម្បត្តិ ហ្វាយនែន ដែលបានបង្កើតនូវព្រឹត្តិការណ៍ដែលជាការផ្លាស់ប្តូរបទពិសោធន៍ជីវិតដែលមិនអាចបំភ្លេចបាននេះជូនដល់កុមារកំព្រាទាំងនេះ។
ព្រឹត្តិការណ៍ដែលបានប្រារព្ធពេញមួយថ្ងៃសម្រាប់ក្មេងៗដែលមានអាយុ ៤ឆ្នាំនេះ បានចាប់ផ្តើមជាមួយនឹងការធ្វើដំណើររយៈពេលខ្លីតាមរយៈរថយន្តធំដែលបានចេញដំណើរពីមជ្ឈមណ្ឌលកុមារកំព្រា មែកឈើ ឆ្ពោះមកកាន់ផ្សារទំនើប ជីបម៉ុង ម៉ល សែនសុខ។ ព្រឹត្តិការណ៍មួយនេះត្រូវបានបញ្ចប់ជាមួយនឹងសេចក្តីសោមនស្សរីករាយយ៉ាងក្រៃលែង និងជាបទពិសោធន៍ថ្មីមួយដែលមិនអាចបំភ្លេចបានសម្រាប់កុមារកំព្រាទាំងអស់។ ស្នាមញញឹមដែលមិនអាចកាត់ថ្លៃបានរបស់កុមារនីមួយៗចាប់តាំងពីពេលចេញដំណើរពីអង្គការ រហូតដល់ពេលត្រលប់ទៅដល់អង្គការវិញ គឺជាទិដ្ឋភាពមួយដែលមិនអាចបំភ្លេចបាន សម្រាប់យើងខ្ញុំទាំងអស់គ្នានៅសម្បត្តិ ហ្វាយនែនផងដែរ។
លោក Harvey Poh អគ្គនាយកនៃគ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន បានមានប្រសាសន៍ថា “លើលោកនេះ គ្មានអ្វីរីករាយជាងស្នាមញញឹមដែលពោរពេញដោយក្តីរីករាយយ៉ាងខ្លាំងនៅលើផ្ទៃមុខរបស់កុមារស្លូតត្រង់ទាំងនោះទេ។ កុមារៗបានបង្ហាញនូវសេចក្តីរំភើបលាយលំនឹងភាពភ័យខ្លាច នៅពេលពួកគេឈានជើងឡើងជណ្តើរយន្តជាលើកដំបូងក្នុងជីវិតរបស់ពួកគេ បានធ្វើឲ្យខ្ញុំនិយាយមិនចេញ។ បទពិសោធន៍ជីវិតដែលយើងបានចែករំលែកដល់កុមារទាំងអស់នៅថ្ងៃនេះគ្រាន់តែជាការចាប់ផ្តើម ប៉ុណ្ណោះ ព្រោះយើងមានគម្រោងរៀបចំដឹកនាំក្រុមកុមារកំព្រានៅមណ្ឌលផ្សេងៗទៀត ដើម្បីចូលរួមក្នុងសកម្មភាពផ្សេងៗនៅពេលខាងមុខ។”
សម្បត្តិ ហ្វាយនែន ប្តេជ្ញាអនុវត្តបេសកម្មនៃទំនួលខុសត្រូវសង្គមរបស់យើង ដើម្បីនាំមកនូវបទពិសោធន៍ថ្មីៗ ជូនដល់កុមារក្រីក្រ និងសហគមន៍ក្រីក្រដទៃទៀតនៅក្នុងព្រះរាជាណាចក្រកម្ពុជា។ យើងជឿថាកុមារគ្រប់រូបគួរទទួលបាននូវបទពិសោធន៍ដែលត្រឹមត្រូវ ដើម្បីបន្តដំណើរឆ្ពោះទៅអនាគតនៅក្នុងពិភពដែលប្រឈមនឹងការលំបាករបស់ពួកគេ ដោយមិនគិតពីប្រវត្តិ និងកាលៈទេសៈ។
លោក Harvey Poh ក៏បានបន្ថែមទៀតថា “នៅពេលដែលយើងម្នាក់ៗខិតខំធ្វើឲ្យពិភពលោកក្លាយជាកន្លែងរស់នៅមួយដែលប្រសើរជាងមុន យើងជឿថាបេសកកម្មនៃទំនួលខុសត្រូវសង្គមរបស់យើងត្រូវចាប់ផ្តើមធ្វើនៅផ្ទះរបស់យើង ដែលផ្ទះរបស់យើង សំដៅដល់ ព្រះរាជាណាចក្រកម្ពុជា”
សម្បត្តិ ហ្វាយនែន ភីអិលស៊ី គឺជាគ្រឹះស្ថានមីក្រូហិរញ្ញវត្ថុ ដែលមានទីតាំងស្ថិតនៅរាជធានីភ្នំពេញ ព្រះរាជាណាចក្រកម្ពុជា ដែលផ្តោតលើការផ្តល់ដំណោះស្រាយហិរញ្ញវត្ថុ តាមរយៈប្រព័ន្ធឌីជីថល និងផ្តល់សេវាកម្មហិរញ្ញវត្ថុជូនដល់អាជីវកម្មខ្នាតតូច និងមធ្យម។ ក្នុងរយៈពេល 7ឆ្នាំកន្លងមកនេះ សម្បត្តិ ហ្វាយ នែន បានផ្តល់សេវាកម្មជូនអតិថិជនដែលមានអាជីវកម្មខ្នាតតូច និងមធ្យម រហូតដល់ 60000នាក់ នៅទូទាំងប្រទេសជាមួយនឹងទឹកប្រាក់ឥណទានសរុបចំនួន 50លានដុល្លារអាមេរិក។
សម្បត្តិ ហ្វាយនែន ភីអិលស៊ី គឺជាគ្រឹះស្ថានមីក្រូហិរញ្ញវត្ថុ ដែលមានទីតាំងស្ថិតនៅរាជធានីភ្នំពេញ ព្រះរាជាណាចក្រកម្ពុជា ដែលផ្តោតលើការផ្តល់ដំណោះស្រាយហិរញ្ញវត្ថុ តាមរយៈប្រព័ន្ធឌីជីថល និងផ្តល់សេវាកម្មហិរញ្ញវត្ថុជូនដល់អាជីវកម្មខ្នាតតូច និងមធ្យម។ ក្នុងរយៈពេល 7ឆ្នាំកន្លងមកនេះ សម្បត្តិ ហ្វាយនែន បានផ្តល់សេវាកម្មជូនអតិថិជនដែលមានអាជីវកម្មខ្នាតតូច និងមធ្យម រហូតដល់ 60000នាក់ នៅទូទាំងប្រទេសជាមួយនឹងទឹកប្រាក់ឥណទានសរុបចំនួន 50លានដុល្លារអាមេរិក។
Previous Article
ពិធីចុះអនុស្សរណៈនៃការយោគយល់គ្នា រវាងគ្រឹះស្ថានមីក្រូហិរញ្ញវត្ថុ សម្បត្តិហ្វាយនែន និង ក្រុមហ៊ុន ធានារ៉ាប់រងទូទៅ ស៊ីប៊ី ក្នុងការផ្តល់សេវាធានារ៉ាប់រងជូនដល់អតិថិជន
Next Article
សម្បត្តិ ហ្វាយនែន បានភ្ជាប់បណ្តាញប្រតិបត្តិការជាមួយ ម៉ាស៊ីនដក-ដាក់ប្រាក់ យូ-ផេ និង កាបូបអេឡិចត្រូនិក យូ-ផេ ចាប់ពីពេលនេះហើយ
