សម្បត្តិ ហ្វាយនែន បានភ្ជាប់បណ្តាញប្រតិបត្តិការជាមួយ ម៉ាស៊ីនដក-ដាក់ប្រាក់ យូ-ផេ និង កាបូបអេឡិចត្រូនិក យូ-ផេ ចាប់ពីពេលនេះហើយ
Author
Posted On
3, ខែតុលា, 2022
យើងខ្ញុំមានក្តីសោមនស្សរីករាយ ក្នុងការជម្រាបជូនអតិថិជន និងដៃគូអាជីវកម្មទាំងអស់ មេត្តាជ្រាបថា សម្បត្តិ ហ្វាយនែន បានភ្ជាប់បណ្តាញប្រតិបត្តិការជាផ្លូវការជាមួយម៉ាស៊ីនដាក់ប្រាក់-ដកប្រាក់ យូ-ផេ និងកាបូបអេឡិចត្រូនិក យូ-ផេ ចាប់ពីពេលនេះតទៅហើយ។សូមកុំបារម្ភអំពីកម្រៃសេវាក្នុងពេលធ្វើប្រតិបត្តិការឡើយ ដោយហេតុថា យើងខ្ញុំជាអ្នកទទួលបន្ទុកក្នុងការចំណាយទាំងស្រុងជូនលោកអ្នក។ សូមចុះឈ្មោះប្រើប្រាស់ កាបូបអេឡិចត្រូនិក យូ-ផេ របស់អ្នកនៅពេលឥឡូវនេះ!
ជាមួយ សម្បត្តិ ហ្វាយនែន យើងប្តេជ្ញាក្នុងការនាំយកមកនូវមធ្យោបាយក្នុងការទូទាត់ថ្មីៗដែលងាយជាងមុន រហ័សជាងមុន និងស្រួលប្រើប្រាស់ជាងមុនជូនដល់អតិថិជនទាំងអស់ និងដៃគូសហការទាំងអស់របស់យើង។
អំពី យូ-ផេ
យូ-ផេ ត្រូវបានបង្កើតឡើងក្នុងឆ្នាំ2019 និងទទួលបានអាជ្ញាប័ណ្ណពីធនាគារជាតិនៃកម្ពុជា ក្នុងឆ្នាំ2020 ជាគ្រឹះស្ថានផ្តល់សេវាកម្មផ្ទេរទូទាត់ប្រាក់។ យូ-ផេ ផ្តល់ជូនការទូទាត់តាមរយៈអេឡិចត្រូនិកគ្រប់ទម្រង់ ដើម្បីគាំទ្រដល់ភាពបត់បែនក្នុងជីវភាពរស់នៅប្រចាំថ្ងៃរបស់អ្នកប្រើប្រាស់។ ជាមួយនឹងជម្រើសក្នុងការទូទាត់ក៏ច្រើន បណ្តាញភ្នាក់ងារ និងដៃគូអាជីវកម្មជាច្រើនរបស់ យូ-ផេ បានផ្តល់ជូនអតិថិជននីមួយៗនូវសិទ្ធិទទួលបាននូវបទពិសោធន៍ក្នុងការធ្វើប្រតិបត្តិការតាមរយៈស្មាតហ្វូនរបស់ពួកគេ ដោយរួមបញ្ជូលទាំងប្រមូសិនជាច្រើន និងរង្វាន់លើកទឹកចិត្តជាច្រើនចំពោះអតិថិជនភក្តីភាពទៀតផង។
ជាមួយនឹងកម្មវិធី ដែលមានភាពច្នៃប្រឌិតខ្ពស់ យូ-ផេ ត្រូវបានបង្កើតឡើងដើម្បីបំពេញតម្រូវការចាំបាច់ប្រចាំថ្ងៃរបស់អតិថិជនទាំងអស់ដោយបង្កើតនូវដំណោះស្រាយក្នុងការទូទាត់មិនត្រឹមតែបង្កើនតម្លៃនៃជីវភាពរស់នៅរបស់អតិថិជនប៉ុណ្ណោះទេ ប៉ុន្តែថែមទាំងប្តេជ្ញានាំមកនូវបទពិសោធន៍ដែលសាមញ្ញ និងដំណើរការដោយរលូន។
អំពី សម្បត្តិ ហ្វាយនែន
សម្បត្តិ ហ្វាយនែន ភីអិលស៊ី គឺជាគ្រឹះស្ថានមីក្រូហិរញ្ញវត្ថុដែលមានមូលដ្ឋាននៅរាជធានីភ្នំពេញ នៃព្រះរាជាណាចក្រកម្ពុជា ដែលផ្តោតចម្បងលើការផ្តល់សេវាកម្មហិរញ្ញវត្ថុតាមប្រព័ន្ធឌីជីថលជូនដល់ម្ចាស់អាជីវកម្មខ្នាតតូច និងមធ្យមទាំងអស់។ អស់រយៈពេលជាង7ឆ្នាំមកហើយ សម្បត្តិ ហ្វាយនែន បានផ្តល់សេវាហិរញ្ញវត្ថុជូនដល់អតិថិជនជាង 65000នាក់ ទូទាំងប្រទេស ដែលមានទឹកប្រាក់ឥណទានសរុបចំនួន ប្រមាណជាង50លានដុល្លារអាមេរិក។
ជាមួយ សម្បត្តិ ហ្វាយនែន យើងមានមហិច្ឆតា ចង់ក្លាយទៅជាគ្រឹះស្ថានផ្តល់សេវាប្រាក់កម្ចីតាមប្រព័ន្ធឌីជីថលឈានមុខគេ ជាមួយនឹងសេវាកម្មហិរញ្ញវត្ថុជាច្រើនតាមប្រព័ន្ធឌីជីថល ដែលអតិថិជននីមួយៗមានភាពងាយស្រួលក្នុងការប្រើប្រាស់។ ការដាក់ឲ្យដំណើរការនៃប្រព័ន្ធឌីជីថលដែលច្នៃប្រឌិតចុងក្រោយរបស់យើង ជាប្រព័ន្ធដែលបានបំពាក់នូវបច្ចេកវិទ្យាពេញលេញក្នុងការផ្តល់ឥណទានតាមបែបឌីជីថល ដែលមានឈ្មោះថា “Kjey PAPA” គឺជាសក្ខីកម្មមួយនៃកិច្ចខិតខំប្រឹងប្រែងរបស់យើងទាំងអស់គ្នាដើម្បីជម្រុញឲ្យទទួលនូវការផ្តល់សេវាតាមប្រព័ន្ធឌីជីថលនៅក្នុងសហគមន៍ឲ្យបានច្រើនជាងមុន ជាពិសេសអតិថិជនគ្រប់ប្រភេទ និងគ្រប់ស្រទាប់វណ្ណៈនៅក្នុងព្រះរាជាណាចក្រកម្ពុជា។
Previous Article
ព្រឹត្តិការណ៍ដែលមិនអាចបំភ្លេចបាន- កម្មវិធីទំនួលខុសត្រូវសង្គមរៀបចំដោយ សម្បត្តិ ហ្វាយនែន
Next Article
ការបរិច្ចាគសំលៀកបំពាក់ និងសម្ភារប្រើប្រាស់រួចមួយចំនួន ជូនដល់កម្មករចម្ការកៅស៊ូ - កម្មវិធីជួយសង្គម ដែលផ្តួចផ្តើមឡើងដោយ សម្បត្តិ ហ្វាយនែន
