សារក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ

រីករាយបុណ្យចូលឆ្នាំថ្មីប្រពៃណីជាតិខ្មែរជូនចំពោះអតិថិជន និងដៃគូអាជីវកម្មទាំងអស់របស់យើងខ្ញុំ!

ចាប់តាំងពីមានការរីរាលដាលជាសកលនៃវីរុសកូវីត 19 កើតមាននៅចុងឆ្នាំ2019 ត្រលប់មកវិញ ប្រទេសកម្ពុជាមានចំនួនអ្នកឆ្លងតិចតួច និងមិនមានអ្នកស្លាប់ឡើយ ប៉ុន្តែគួរឲ្យសោកស្តាយដែលថ្ងៃល្អទាំងនោះបានបញ្ចប់ នៅពេលដែលព្រឹត្តិការណ៍សហគមន៍20កុម្ភៈបានកើតឡើង។ យើងបានមើលឃើញថារដ្ឋាភិបាលបានដាក់ចេញនូវច្បាប់ថ្មី ទណ្ឌកម្មថ្មី និងកៀងគរគ្រប់គូភាគីទាំងអស់ ដើម្បីបំបែកខ្សែសង្វាក់នៃការចម្លងជាសហគមន៍ ហើយយើងនៅតែតស៊ូនឹងករណីឆ្លងថ្មីៗជារៀងរាល់ថ្ងៃ ហើយឥឡូវនេះក៏មានករណីស្លាប់បាត់បង់អាយុជីវិតដ៏មានតម្លៃដោយសារជំងឺដ៏សាហាវនេះផងដែរ។ សមរភូមិប្រយុទ្ធប្រឆាំងនឹងជំងឺដ៏សាហាវនេះ មិនមែនជាការទទួលខុសត្រូវរបស់រដ្ឋាភិបាលតែម្នាក់ឯងនោះទេ ប៉ុន្តែវាក៏ជាកាតព្វកិច្ចរបស់ប្រជាជនខ្មែរគ្រប់រូប ដែលត្រូវតែគោរពនិងអនុវត្តតាមការខិតខំរបស់រដ្ឋាភិបាលក្នុងការលុបបំបាត់ការចម្លងរីករាលដាលនៃជំងឺដ៏សាហាវនេះ។

នៅពេលយើងស្វាគមន៍ពិធីបុណ្យចូលឆ្នាំថ្មីប្រពៃណីជាតិខ្មែរ យើងបន្តបន់ស្រន់ចំពោះទេវតាឆ្នាំថ្មី សូមឲ្យសេដ្ឋកិច្ចជាតិជាទីស្រឡាញ់របស់យើងមានការងើបឡើងវិញយ៉ាងឆាប់រហ័ស ហើយសង្ឃឹមយ៉ាងមុតមាំថា យើងនឹងនៅតែរួបរួមជាប្រជាជាតិមួយដើម្បីប្រយុទ្ធប្រឆាំងនឹងជំងឺដ៏សាហាវនេះ។