សារ សម្រាប់ឆ្នាំថ្មី 2021

ដោយការគោរពពីគ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន

ទីបំផុតឆ្នាំ2020 ក៏ឈានមកដល់ចុងបញ្ចប់ដោយមិនអាចប្រកែកបាន ហើយវានឹងក្លាយជាប្រវត្តិសាស្ត្រនៃមនុស្សជាតិជារៀងរហូត ថាជាឆ្នាំដែលពិភពលោកទាំងមូលមានការធ្លាក់ចុះ។ វីរុសកូរ៉ូណាបានសម្លាប់ជីវិតមនុស្សទូទាំងពិភពលោក ហើយយើងសង្កេតឃើញថាពីការរស់នៅរបស់មនុស្សម្នាក់ៗនៅតាមដងវិថី ដែលប្រកបអាជីវកម្មខ្នាតតូចបំផុត ខ្នាតតូច និងខ្នាតមធ្យមបានទទួលរងនូវការបំផ្លាញត្រឹមតែមួយពព្រិចភ្នែក។ នៅក្នុងភពដែលគ្មានព្រំដែនរបស់យើងនាពេលបច្ចុប្បន្ននេះ វាពិតជាលើសពីការគិតស្រមើស្រមៃដ៏ធំធេងរបស់មនុស្សម្នាក់ថាដែលយល់ថា ការបិទព្រំដែន និងការកំណត់លើការធ្វើដំណើរអាចនឹងត្រូវដាក់ចេញជាបន្ទាន់ដោយរដ្ឋាភិបាល។ វិធានការសារពើពន្ធ និងរូបិយវត្ថុដ៏ធំមិនធ្លាប់មាន ក៏ត្រូវបានដាក់ចេញដោយរដ្ឋាភិបាលដើម្បីជួយសង្គ្រោះសេដ្ឋកិច្ចក្នុងប្រទេសដែលផលប៉ះពាល់ដោយវីរុសកូរ៉ូណានេះ ពីផលវិបាកសេដ្ឋកិច្ចបន្ថែមទៀត។

តាមទស្សនវិស័យសេដ្ឋកិច្ចសង្គម ប្រទេសកម្ពុជាទទួលរងនូវការឆ្លងមេរោគនេះតិចជាង ១.០០០ ករណី ហើយមិនមានករណីគ្រោះថ្នាក់ដល់អាយុជីវិតទេទេ ប៉ុន្តែជំងឺរាតត្បាតបានជះឥទ្ធិពលយ៉ាងខ្លាំងដល់សេដ្ឋកិច្ច និងបានបណ្តាលឲ្យអាជីវកម្មជាច្រើនត្រូវបិទទ្វាដែលនាំឱ្យកម្មករជាច្រើនគ្មានការងារធ្វើ។ នៅ សម្បត្តិ ហ្វាយនែន យើងទទួលស្គាល់នូវពេលវេលាដ៏លំបាកនេះ និងការលំបាកដែលប្រជាជនខ្មែរបានជួបប្រទះ ហើយវាជាកាតព្វកិច្ចពលរដ្ឋកម្ពុជាក្នុងការជួយចូលរួមចំណែកក្នុងកិច្ចខិតខំរបស់រាជរដ្ឋាភិបាលកម្ពុជាក្នុងការពន្លឿនការស្តារសេដ្ឋកិច្ចរបស់ប្រទេសពីផលប៉ះពាល់នៃការរាតត្បាតនៃវីរុសនេះ។

ជាការពិត យើងមានមោទនភាពដែលបានក្លាយជាគ្រឹះស្ថានមីក្រូហិរញ្ញវត្ថុទី១ ជាអ្នកផ្តល់ប្រាក់កម្ចីដល់អតិថិជនទាំងអស់ ដែលទទួលរងផលប៉ះពាល់ដោយសារការរីករាលដាលនៃវីរុសនេះ ដែលបានចាប់ផ្តើមតាំងពីដើមខែមេសា ឆ្នាំ2020មក។ នៅឆ្នាំ2021ខាងមុខនេះ យើងនឹងដាក់ឲ្យប្រើប្រាស់នូវប្រព័ន្ធផ្តល់ឥណទានបែបទំនើបដែលមានតម្លាភាព និងមានប្រសិទ្ធភាពខ្ពស់ក្នុងការផ្តល់ឥណទាន សំខាន់បំផុតនោះគឺប្រជាជនខ្មែរគ្រប់រូបអាចដាក់ពាក្យស្នើសុំឥណទានបានស្របតាមកម្មវត្ថុរបស់យើងដើម្បីធានាឲ្យបាននូវអតិថិជន ម្នាក់ៗមានឱកាសស្មើៗគ្នាក្នុងការសម្រេចក្តីសុបិនរបស់ពួកគេ ព្រមទាំងចូលរួមចំណែកក្នុងការរីកចំរើនរបស់សង្គមជាតិ។ នៅពេលដែលយើងទទួលស្វាគមន៍ឆ្នាំថ្មី 2021 យើងបួងសួងសូមឲ្យមានសន្តិភាព និងភាពសុខដុមរមនានៅពេលដែលយើងទាំងអស់គ្នារួបរួមគ្នាទូទាំងប្រទេស ដើម្បីជំនះនូវគ្រាដ៏លំបាកទាំងនេះ។ យើងសង្ឃឹមថាឆ្នាំថ្មីនឹងនាំមកនូវការស្តារឡើងវិញយ៉ាងឆាប់រហ័សនៃសេដ្ឋកិច្ចរបស់ប្រទេសជាតិនិងត្រូវបានប្រទានពរដោយមានឆ្នាំដ៏អស្ចារ្យជាច្រើនទៀត។

យើងខ្ញុំទាំងអស់គ្នា ពីគ្រឹះស្ថាន សម្បត្តិ ហ្វាយនែន សូមជូនពរក្នុងឱកាសចូលឆ្នាំថ្មីដល់ដៃគូអាជីវកម្ម និងអតិថិជនទាំងអស់របស់ សម្បត្តិ ហ្វាយនែន ហើយសូមឲ្យឆ្នាំថ្មីនាំមកនូវសុភមង្គលប្រកបដោយដុមរមនា មានសុភាពល្អបរិបូរ និងមានភាពរីកចម្រើនគ្រប់ក្រុមគ្រួសារ។