ការបរិច្ចាគសំលៀកបំពាក់ និងសម្ភារប្រើប្រាស់រួចមួយចំនួន ជូនដល់កម្មករចម្ការកៅស៊ូ – កម្មវិធីជួយសង្គម ដែលផ្តួចផ្តើមឡើងដោយ សម្បត្តិ ហ្វាយនែន
Author
Posted On
23, ខែវិច្ឆិកា, 2022
ខេត្តព្រះវិហារ - នៅថ្ងៃទី 08 ខែតុលា ឆ្នាំ2022 - ក្រុមការងារជួយសង្គមរបស់ សម្បត្តិ ហ្វាយនែន សូមថ្លែងអំណរគុណយ៉ាងជ្រាលជ្រៅចំពោះ លោក តែ តឹក ស្រ៊ុន ម្ចាស់ចម្ការកៅស៊ូ
ដែលមានទីតាំងនៅភូមិជីអុក ឃុំរមណីយ៍ ស្រុក រវៀង ខេត្តព្រះវិហារ ដែល បានទទួលយកនូវសម្ភារដែលយើងខ្ញុំបានផ្តល់ជូនដល់ក្រុមកម្មករតាមរយៈកម្មវិធីជួយសង្គមដែលបានរៀបចំ
ឡើងនៅក្នុងចម្ការកៅស៊ូ។
ការត្រៀបរៀបចំរបស់យើងសម្រាប់ព្រឹត្តិការណ៍ជួយសង្គម ដ៏មានសារៈសំខាន់នេះត្រូវបានចាប់ផ្តើមតាំងពីប៉ុន្មានខែមុនមកម្លេះ ដូចជាការប្រមូលសម្លៀកបំពាក់ និងសម្ភារប្រើប្រាស់ដែល
ប្រើប្រាស់រួចពី សមាជិកគ្រួសារសម្បត្តិ ហ្វាយនែន មិត្តភក្តិ និងដៃគូសហការរបស់គ្រឹះស្ថាន សម្បត្តិ ហ្វាយនែន។ នៅពេលថ្ងៃរៀបចំព្រឹត្តិការណ៍កាន់តែខិតជិតមកដល់ នោះសមាជិក
គ្រួសារ សម្បត្តិ ហ្វាយនែន បានរៀបចំសម្រិតសម្រាំង និងវេចខ្ចប់សម្លៀកបំពាក់ និងសម្ភារប្រើប្រាស់រួចទាំងអស់ដាក់ក្នុងថង់ ដើម្បីងាយស្រួលក្នុងការដឹកជញ្ជូនយកមកចែកជូនដល់ក្រុម
កម្មករនៅចម្ការទាំង 28នាក់ និងក្រុមគ្រួសាររបស់ពួកគេ។ នៅពេលចាប់ផ្តើមបវេសនកាលឆ្នាំសិក្សាថ្មីខាងមុខនេះ គ្រួសារសម្បត្តិ ក៏បានត្រៀមរៀបចំនូវកញ្ចប់សម្ភារសិក្សាសម្រាប់សិក្សា
នុសិស្សតូចៗផងដែរ ព្រោះយើងជឿថាការអប់រំគឺជាមូលដ្ឋានគ្រឹះនៃការកសាងសហគមន៍។
"ពួកយើងពិតជារំភើបជាខ្លាំងដោយទឹកចិត្តសប្បុរស និងមេត្តាធម៌ពីគ្រប់មជ្ឈដ្ឋានក្នុងការបណ្តុះវប្បធម៌ចែករំលែក និងផ្តល់ជំនួយដល់សហគមន៍នានានៅក្នុងប្រទេសកម្ពុជា។ ក្នុងនាម
ក្រុមការងារជួយសង្គមនៃគ្រឹះស្ថាន សម្បត្តិ ហ្វាយនែនខ្ញុំសូមថ្លែងអំណរគុណយ៉ាងជ្រាលជ្រៅចំពោះម្ចាស់ផ្ទះលោក តែ តឹក ស្រ៊ុន ក្រុមគ្រួសារ សម្បត្តិ ហ្វាយនែន និងម្ចាស់ជំនួយទាំង
អស់របស់យើង សម្រាប់ទឹកចិត្តសប្បុរសក្នុងការចូលរួមចំណែក ដើម្បីធ្វើឱ្យព្រឹត្តិការណ៍ជួយសង្គមមួយ នេះទទួលបានជោគជ័យ។" នេះបើតាមប្រសាសន៍របស់ លោក Harvey Poh ជា
អគ្គនាយកនៃគ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ។
មុនពេលយើងចេញដំណើរពីទីក្រុងភ្នំពេញ ឆ្នោះមកកាន់ចម្ការកៅស៊ូ ដែលមានរយៈពេល 3 ម៉ោងនេះ យើងបានចូលទៅយកនំប៉័ងបាក់យ៉ុង (នំប៉័ងញាត់សាច់ជ្រូក) ថ្មីៗ ដែលយើងបាន
កុម្ម៉ង់ទុក ពីហាងនំបុ័ងល្បីមួយកន្លែង មកចែកជូនអ្នករាល់គ្នានៅចម្ការកៅស៊ូនេះ។
នៅពេលយើងធ្វើដំណើរតាមផ្លូវដីតូចចង្អៀតក្នុងចម្ការ ផ្លូវទៅកាន់កន្លែងស្នាក់នៅរបស់កម្មករ បរិយាកាសជុំវិញដែលព័ទ្ធទៅដោយដើមកៅស៊ូ មានសភាពស្ងប់ស្ងាត់ រួមនឹងភាពសុខដុម
រមនា បានធ្វើឲ្យយើងចាប់អារម្មណ៍យ៉ាងក្រៃលែង ហើយវាពិតជាទេសភាពដ៏ស្រស់ស្អាតគួរឲ្យគយគន់។
លោក Harvey មានប្រសាសន៍បន្ថែមថា "ទោះបីជាការចូលរួមចែកចំណែករបស់យើងនៅថ្ងៃនេះ មិនមានអ្វីច្រើនក្តី ប៉ុន្តែយើងសង្ឃឹមថា វាអាចបង្កើតនូវផ្នត់គំនិតដ៏ត្រឹមត្រូវមួយសម្រាប់
មនុស្សគ្រប់គ្នាក្នុងប្រទេសកម្ពុជា ដើម្បីបណ្តុះនូវស្មារតីសប្បុរសធម៌ ដែលយើងជឿថា មនុស្សគ្រប់រូបសមនឹងទទួលបាននូវសម្ភារប្រើប្រាស់ដែលជាតម្រូវការចាំបាច់ក្នុងជីវិត។ ជីវភាព ភាព
សាមញ្ញនៃអ្នកទីក្រុងដូចជាពួកយើង គឺជាការដាស់ស្មារតីក្នុងជីវិតពេលបច្ចុប្បន្ន ដើម្បីបន្តស្វែងរកបុព្វហេតុរបស់យើង ធ្វើឱ្យពិភពលោកមួយនេះក្លាយជាកន្លែងដែលលក្ខខណ្ឌរស់នៅ
ប្រសើរជាងមុនសម្រាប់មនុស្សគ្រប់គ្នា។"
នៅសម្បត្តិ ហ្វាយនែន យើងប្តេជ្ញាចិត្តបន្តបេសកកម្មជួយសង្គម របស់យើងដើម្បីបណ្តុះស្មារតីសប្បុរសធម៌ក្នុងចំណោមប្រជាជនខ្មែរគ្រប់រូប ដើម្បីរួមចំណែកដល់សហគមន៍ក្រីក្រ និងជន
ទីទាល់ក្រ។ យើងជឿជាក់ថា បុគ្គលគ្រប់រូប សមនឹងទទួលបាននូវអ្វីដែលជាតម្រូវការចាំបាច់ក្នុងជីវិតរស់នៅក្នុងពិភពលោកមួយនេះ ដោយមិនរើសអើងពីសាវតា និងពណ៌សម្បុរ។
គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី គឺជាគ្រឹះស្ថានមីក្រូហិរញ្ញវត្ថុដែលមានមូលដ្ឋាននៅទីក្រុងភ្នំពេញ នៃប្រទេសកម្ពុជាដែលផ្តោតលើការផ្តល់ដំណោះស្រាយ និងសេវា
កម្មហិរញ្ញវត្ថុតាមប្រព័ន្ធឌីជីថលដល់វិស័យសហគ្រាសខ្នាតតូចបំផុត ខ្នាតតូច និងធម្យម។ ក្នុងរយៈពេល 7ឆ្នាំកន្លងមកនេះ សម្បត្តិ ហ្វាយនែន បានបម្រើសេវាកម្មជូនសហគ្រាសខ្នាតតូច
បំផុត ខ្នាតតូច និងមធ្យម ជាង 60,000 នាក់ទូទាំងប្រទេស ជាមួយនឹងប្រាក់កម្ចីសរុបជាង 50 លាន ដុល្លារអាមេរិក។
Previous Article
សម្បត្តិ ហ្វាយនែន បានភ្ជាប់បណ្តាញប្រតិបត្តិការជាមួយ ម៉ាស៊ីនដក-ដាក់ប្រាក់ យូ-ផេ និង កាបូបអេឡិចត្រូនិក យូ-ផេ ចាប់ពីពេលនេះហើយ
Next Article
សេចក្តីជូនដំណឹង៖ សាខាយើងខ្ញុំនឹងធ្វើការផ្លាស់ប្តូរអាសយដ្ឋានទៅកាន់ទីតាំងថ្មី
