ការបរិច្ចាគថវិកាចំនួន ១០ លានរៀល ជូនដល់មន្ទីរពេទ្យកុមារគន្ធបុប្ផា – កម្មវិធីជួយសង្គមរៀបចំដោយ សម្បត្តិ ហ្វាយនែន

នៅគ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី ភាពរឹងមាំរបស់យើងគឺស្ថិតនៅលើការលះបង់ និងទឹកចិត្តអាណិតស្រឡាញ់របស់ក្រុមការងារយើង ។ ស្របតាមតម្លៃស្នូល បុគ្គលិករបស់គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី តែងតែរួបរួមគ្នាជារៀងរាល់ឆ្នាំ ដើម្បីគាំទ្រដល់សុខុមាលភាពរបស់កុមារ តាមរយៈការធ្វើវិភាគទានរួមគ្នាជូនដល់មន្ទីរពេទ្យកុមារគន្ធបុប្ផា ។



ការចូលរួមចំណែកចេញពីបេះដូងនេះ គឺជាការឆ្លុះបញ្ចាំងពីការប្តេជ្ញាចិត្តរបស់បុគ្គលិកយើង ក្នុងការផ្ដល់ត្រឡប់ទៅវិញ និងការបង្កើតឱ្យមានផលវិជ្ជមានដល់សង្គម ក្រៅពីសេវាកម្មហិរញ្ញវត្ថុរបស់យើង ។ តាមរយៈការគាំទ្រដល់កិច្ចខិតខំប្រឹងប្រែងរបស់មន្ទីរពេទ្យ ក្នុងការផ្តល់ការថែទាំវេជ្ជសាស្ត្រដ៏សំខាន់ និងការគាំទ្រដល់កុមារដែលកំពុងត្រូវការជំនួយ យើងសង្ឃឹមថានឹងធ្វើឱ្យជីវភាពរស់នៅកាន់តែប្រសើរឡើង ព្រមទាំងជួយជ្រោមជ្រែងឱ្យសហគមន៍កាន់តែមានសុខភាពល្អ និងរឹងមាំ ។

យើងមានមោទនភាពជាខ្លាំង ចំពោះទឹកចិត្តសប្បុរសធម៌ និងស្មារតីសាមគ្គីភាពរបស់ក្រុមការងារយើង ដែលបានរួមចំណែកក្នុងការកសាងអនាគតដ៏ល្អប្រសើរសម្រាប់កុមារ និងសហគមន៍ដែលយើងកំពុងធ្វើប្រតិបត្តិការ។ ក្នុងនាមជាបុគ្គលិក និងស្ថាប័ន យើងរួមគ្នាបញ្ជាក់ជាថ្មីនូវការប្តេជ្ញាចិត្តរបស់យើង ចំពោះទំនួលខុសត្រូវសង្គម និងការលើកកម្ពស់សមត្ថភាពសហគមន៍ ។



អំពីគ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី

គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី គឺជាគ្រឹះស្ថានមីក្រូហិរញ្ញវត្ថុមួយឈានមុខគេ ដែលមានបេសកកម្មក្នុងការលើកកម្ពស់សុខុមាលភាពហិរញ្ញវត្ថុ សម្រាប់បុគ្គលដែលមិនទាន់ទទួលបានសេវាហិរញ្ញវត្ថុពេញលេញ និងអាជីវកម្មធុនតូច និងមធ្យម នៅក្នុងប្រទេសកម្ពុជា ។

យើងត្រូវបានបង្កើតឡើងចាប់តាំងពីឆ្នាំ ២០១៥ គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន បានផ្តល់កម្ចីដល់សហគមន៍ដែលមានចំណូលទាប តាមរយៈការផ្តល់ផលិតផលហិរញ្ញវត្ថុដែលមានតម្លៃសមរម្យ ជំរុញកំណើន និងបរិយាបន្នហិរញ្ញវត្ថុទាំងនៅតំបន់ជនបទ និងទីប្រជុំជន។

គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ធ្វើប្រតិបត្តិការដោយសុចរិតភាពបំផុត ដោយផ្តល់ជូននូវសេវាកម្មដោយយកចិត្តទុក្ខដាក់ចំពោះអតិថិជន និងប្រកបដោយតម្លាភាព ។ យើងទទួលយកការច្នៃប្រឌិតថ្មី ដោយប្រើប្រាស់ដំណោះស្រាយបែបឌីជីថល ដើម្បីបង្កើនលទ្ធភាពទទួលបានសេវាកម្ម និងធានានូវនិរន្តរភាពយូរអង្វែង សម្រាប់ទាំងអតិថិជន និងស្ថាប័ន ។

“ជោគជ័យរបស់អ្នក គឺជាជោគជ័យរបស់យើង។ អនុញ្ញាតឱ្យយើងជួយអ្នកឱ្យរីកចម្រើន”