ថវិកាបរិច្ចាគរបស់យើងខ្ញុំ មានចំនួន ១០លានរៀល ជូនមូលនិធិគន្ធបុប្ជាកម្ពុជា ដែលជាមន្ទីរពេទ្យពិនិត្យ និងព្យាបាលកុមារកម្ពុជាគ្រប់រូបដោយឥតគិតថ្លៃ – កម្មវិធីជួយសង្គមរៀបចំដោយ សម្បត្តិ ហ្វាយនែន

រាជធានីភ្នំពេញ ថ្ងៃទី២០ ខែធ្នូ ឆ្នាំ២០២២ - ក្រុមការងារជួយសង្គមរបស់គ្រឹះស្ថាន សម្បត្តិ ហ្វាយនែន បានប្រគល់ទឹកប្រាក់បរិច្ចាគចំនួន ១០លានរៀល ជូន មូលនិធិគន្ធបុប្ជាកម្ពុជា
ដែលជាមូលនិធិផ្លូវការរបស់កម្ពុជា ដើម្បីចូលរួមទ្រទ្រង់ដល់កិច្ចដំណើរការរបស់មន្ទីរពេទ្យគន្ធបុប្ផា ក្នុងការផ្តល់សេវាពិនិត្យ និងព្យាបាលដោយឥតគិតថ្លៃជូនកុមារកម្ពុជាគ្រប់ៗរូប។

នៅសម្បត្តិ ហ្វាយនែន យើងខ្ញុំប្តេជ្ញាក្នុងការបន្តសកម្មភាពជួយសង្គមរបស់យើង ដើម្បីបណ្តុះស្មារតីមនុស្សធម៌ដល់ប្រជាជនខ្មែរគ្រប់រូបក្នុងការរួមចំណែកជួយដល់ប្រជាជនក្រីក្រ នៅក្នុង
សហគមន៍ឱ្យបានទូលំទូលាយ។ យើងខ្ញុំជឿថា មនុស្សគ្រប់គ្នាគួរតែមានសិទ្ធិទទួលបាននូវអ្វីដែលជាតម្រូវការមូលដ្ឋានចាំបាច់ក្នុងជីវភាពរស់នៅប្រចាំថ្ងៃ ដោយមិនប្រកាន់ពីសាវតារ និងកាលៈទេសៈ។

អំពី គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី.

សម្បត្តិ ហ្វាយនែន ភីអិលស៊ី គឺជាគ្រឹះស្ថានមីក្រូហិរញ្ញវត្ថុដែលមានមូលដ្ឋាននៅរាជធានីភ្នំពេញ នៃព្រះរាជាណាចក្រកម្ពុជា ដែលផ្តោតចម្បងលើការផ្តល់សេវាកម្មហិរញ្ញវត្ថុតាមប្រព័ន្ធឌីជីថល
ជូនដល់ម្ចាស់អាជីវកម្មខ្នាតតូច និងមធ្យមទាំងអស់។ អស់រយៈពេលជាង៧ឆ្នាំមកហើយ សម្បត្តិ ហ្វាយនែន បានផ្តល់សេវាហិរញ្ញវត្ថុជូនដល់អតិថិជនជាង ៦០០០០នាក់ ទូទាំងប្រទេស
ដែលមានទឹកប្រាក់ឥណទានសរុបចំនួន ប្រមាណជាង៥០លានដុល្លារអាមេរិក។

“ជោគជ័យរបស់អ្នក គឺជាជោគជ័យរបស់យើង។ សូមឲ្យយើងជួយអ្នកឲ្យរីកចម្រើន”